YAMAN
1. Pis. Yaman arvadlının evi cəhənnəmdir. ( Ata. sözü ).
2. Rəhmsiz, insafsız, əzazil. Yaman adamdır, onunla ehtiyatlı ol.
3. məc. Təsiri şiddətləndirmək üçün bəzən “çox”, “həddindən artıq”, “bərk”, “tez”, “şiddətli” kimi mənalarda işlənir. Yaman işə düşmüşdüm. Bu gün yaman istidir.
// Bəzən “çox yaxşı”, “əla” mənasında işlənir. Yaman atandır. Yaman çalır. Yaman qoçaqdır.
4. is. Qarğış.
5. tib. Həyat üçün təhlükəli, çox qorxulu, xətərli, zərərli, pis. Yaman şiş. Yaman yara.
// dan. İs. mənasında.
◊ Yaman demək – söymək.
Yaman dəymiş – qarğış ifadəsi.
Yaman göz – gözdə, baxışda bədbəxtlik gətirən əsrarəngiz sehirli qüvvə.
Yaman gün – 1) pis gün; ağır, əziyyətli, məhrumiyyətlərlə dolu vəziyyət. Yaman günün ömrü az olar. ( Ata. sözü );
2) ağır vəziyyət (hal), pis vəziyyət.
Yaman günə (hala, kökə) düşmək – səhhətcə, zahiri görünüşcə, yaxud maddi vəziyyətcə pis hala düşmək.
Yaman günə salmaq – korlamaq, xarab etmək, pis hala (vəziyyətə) salmaq.
Yaman olmaz – pis olmaz, yaxşı olar.
Yaman yerdə axşamladıq – gözlənilmədə, çətin, çıxılmaz, təhlükəli vəziyyətə düşdükdə deyilən ifadə.
YAMAN nədir? – YAMAN nedir? – YAMAN sözünün mənası – YAMAN sozunun menasi – YAMAN nə deməkdir? – YAMAN ne demekdir? – YAMAN sözünün izahı – YAMAN sozunun izahi – YAMAN sözünün istifadəsi – YAMAN sozunun istifadesi