PƏNAH
is. [fars]
1. Sığınma, birinin yanına qaçıb ondan himayə və kömək istəmə.
□ Pənah etmək (eyləmək) – 1) özü üçün sığınacaq etmək, məskən etmək.
1. Sığınma, birinin yanına qaçıb ondan himayə və kömək istəmə.
□ Pənah etmək (eyləmək) – 1) özü üçün sığınacaq etmək, məskən etmək.
Aləmin dərdü qəmindən xəbərin yox, Seyyid; Mən ki meyxanəni illərdi pənah eyləmişəm. ;
2) bax pənah aparmaq.
Pənah gətirmək (aparmaq) – bir adamın yanına, bir yerə sığınaraq ondan imdad, sığınacaq istəmək.
…Züleyxa çəkdiyi məşəqqətlərdən cana gəlib, öz qardaşlarının evinə pənah gətirdi.
Pənah yeri – sığınacaq, pənahgah.
[Köçəri quşların] bütün pənah yerləri bağların qaratikan çəpərləri idi ki, orada az-çox yem tapa bilirdilər.
2. məc. Himayəçi, arxa, dadaçatan, istinadgah, pənahgah.
Səməd üzünü Məşədi Heydərə tutub, qaş-göz elədi və Nadiri göstərərək belə bir qüvvətli pənahı olduğunu işarə etdi.
□ Pənah çıxmaq – himayəsi altına almaq, qayğısını çəkmək.
[Zeynəbə Qara Kərəmoğlu] bir qardaş, bir ata kimi pənah çıxdı, işə çəkdi, uşaqlarını kolxoz bağçasına aldı.
Pənah olmaq – 1) imdadına çatmaq, kömək etmək;
2) bax pənah çıxmaq.
Pənahında saxlamaq – himayə etmək, himayəsində saxlama, qayğısını çəkmək; qorumaq, hifz etmək.
Hərami qaşların fitnədir karı; Onu pənahında saxlaya tarı.
[Şamama Cadu:] Allah səni öz pənahında saxlasın, cavan qəddini yerə vurmasın.
// məc. Ümid, dayaq.
Qarı öz yeganə pənahı nəvəsini bir parça çörəkpulu üçün yenə də bazara yola salmaq istəyirdi.
Körpələrin pənahısan; Anaların gözü səndə.
PƏNAH nədir? – PƏNAH nedir? – PƏNAH sözünün mənası – PƏNAH sozunun menasi – PƏNAH nə deməkdir? – PƏNAH ne demekdir? – PƏNAH sözünün izahı – PƏNAH sozunun izahi – PƏNAH sözünün istifadəsi – PƏNAH sozunun istifadesi
