MÜBAHİSƏ
is. [ ər. ] Bir işi, məsələni və s. müzakirə etdikdə öz fikrini qoruyan, sübut etməyə çalışanlar arasında başlanan bəhs, deyişmə. Mübahisəyə başlamaq. Elmi mübahisə.
– İki qardaş arasındakı mübahisə getdikcə qızışıb axırda bir dava şəklini aldı.
Uzun mübahisədən sonra Şahmar bir tikə çörək kəsib … dirriyə enmişdi.
□ Mübahisə açmaq – 1) bir iş, məsələ, söz üstə deyişməyə başlamaq, bəhsə girişmək.
[Qətibə:] O zaman mən sizinlə bu barədə geniş mübahisə açmaq istəmədim. ;
2) elmi, yaxud başqa bir məsələni öyrənmək üçün müzakirə etmək.
[Əsgər:] Oxuduqlarınızı da yoldaşlara başa salasınız, mübahisə açasınız.
Mübahisə düşmək – bir şey, məsələ və ya iş haqqında müxtəlif rəydə olanlar arasında sözləşmək, bəhs başlamaq.
Onların düşdü çün mübahisəsi; Ki, nədəndir zəmanə hadisəsi!
Uzun mübahisə və deyişmə düşdü.
Mübahisə etmək (eləmək) – bir şeyi, məsələni sübut etməyə çalışaraq etiraz etmək, bəhs etmək, höcətləşmək, deyişmək, sözə gəlmək.
Bir nəfər … bir hampa kəndli ilə mübahisə eləyirdi.
Mübahisəyə girişmək – bax mübahisə açmaq.
[Nəsir] hələ bəzi vaxt öz fikrinin üstündə duraraq böyük qardaşı ilə mübahisəyə də girişirdi.
MÜBAHİSƏ nədir? – MÜBAHİSƏ nedir? – MÜBAHİSƏ sözünün mənası – MÜBAHİSƏ sozunun menasi – MÜBAHİSƏ nə deməkdir? – MÜBAHİSƏ ne demekdir? – MÜBAHİSƏ sözünün izahı – MÜBAHİSƏ sozunun izahi – MÜBAHİSƏ sözünün istifadəsi – MÜBAHİSƏ sozunun istifadesi
