TUTMAQ
1. Əli və ya əlləri ilə bir şeydən yapışmaq. Məhəccərdən tutmaq. Divardan tutmaq.
// Hər hansı bir vəziyyətdə əlində saxlamaq.
2. Hədəfə dəymək, toxunmaq. Şillə onu tutdu.
3. Diri-diri ələ keçirmək, ovlamaq. Ceyran tutmaq. Balıq tutmaq.
// Həbs etmək, ələ keçirmək, yaxalamaq. Oğrunu tutdular.
4. Bir şeyin tutumunu, həcmini, yerləşdirmə qabiliyyətini bildirir. Çamadan paltarları tutdu. Səbət 5 kiloqram meyvə tutur. Stəkan 20 qram tutur.
5. İşğal etmək, zorla bir yeri almaq, ələ keçirmək, bir yerə daxil olmaq.
6. Sirayət etmək, yoluxmaq, xəstələnmək. Qrip tutmaq.
7. Göyərmək, bitmək. Tinglərin bir hissəsi tutmadı. Şitillərin hamısı tutdu. – [Kərəm:] Qərənfillər tutmaz imiş; Gül tikansız bitməz imiş. “Əsli və Kərəm”.
// Başqa bitki ilə bitişmək, calanmaq. Qələm tutdu. Calaqların bir hissəsi tutmadı.
8. Qapmaq, dişləmək.
9. Qapamaq, örtmək, əli və ya başqa bir şeylə görünməz etmək. Ağzını tutmaq.
10. Yaxşı göstərmək, uyğun gəlmək, yaraşmaq. Bu paltar onu yaxşı tutur.
11. Bir iş görmək istəyənə mane olmaq, əlqol açmağa qoymamaq.
12. Müəyyən şərtlərlə bir işə qəbul etmək, götürmək.
13. məc. Kirələmək, kirayə etmək, icarə etmək, pul verərək müvəqqəti istifadə etmək. Taksi tutmaq. Mehmanxanada nömrə tutmaq.
14. məc. Uyğun gəlmək, bir gəlmək, düz gəlmək. Atlı ilə piyadanın yoldaşlığı tutmaz. ( Ata. sözü ).
15. məc. Toxunmaq, bərk təsir etmək. Söz onu bərk tutdu.
16. Tutmamaq şəklində – nəticə verməmək, müvəffəqiyyətsizliyə uğramaq, baş tutmamaq.
17.
…tutmuş şəklində – …başlamış,
…başlayaraq mənasında işlədilir.
18. Bir sıra isimlərdən sonra gələrək, mürəkkəb feil və müxtəlif ifadələr düzəldilir; məs.: yükünü tutmaq, acığı tutmaq, yer tutmaq və s.
◊ Tutdu qatıq, tutmadı ayran – nəticəsindən asılı olmayaraq edilən təşəbbüs haqqında.
Tutduğunu buraxmamaq – öz dediyindən əl çəkməmək, inad etmək, istədiyini, dediyini etmək.
TUTMAQ nədir? – TUTMAQ nedir? – TUTMAQ sözünün mənası – TUTMAQ sozunun menasi – TUTMAQ nə deməkdir? – TUTMAQ ne demekdir? – TUTMAQ sözünün izahı – TUTMAQ sozunun izahi – TUTMAQ sözünün istifadəsi – TUTMAQ sozunun istifadesi