YETİŞMƏK
1. Bir istiqamətdə gedərək nəzərdə tutduğu bir yerə çatmaq, yetmək, varmaq, varid olmaq.
// Özünü çatdırmaq, vaxtında çatmaq.
// Bir istiqamətdə hərəkət edərək bir yerə çatmaq (qatar, gəmi, maşın və s. haqqında). Qatar stansiyaya yetişdi. Biz sahilə yetişdik.
// Göndərilən ünvana, yerə, şəxsə çatmaq; yerinə, sahibinə çatmaq; yetmək. Üç gün əvvəl göndərilən məktub bu gün yetişdi. Teleqram nədənsə sahibinə yetişməyib.
// Gəlib çatmaq; bilinmək. Xəbər nə vaxt yetişdi? Məlumat hələ yetişməyib.
2. Qovuşmaq, birləşmək.
3. Çatışmaq, yetmək, çatmaq. Elə qaçırsan ki, sənə yetişmək olmur. Yoldaşıma yetişdim. Qatara yetişə bilmədim.
4. Müəyyən bir həddə, yaşa çatmaq.
// Büluğa çatmaq, böyümək.
// Yetkinləşmək, təcrübə qazanmaq, bişmək.
5. Bitmək, vücuda gəlmək, hasil olmaq (bitki haqqında). Abşeronda zeytun çox yaxşı yetişir.
6. Dəymək, yeməli hala gəlmək. Meyvələr yaxşı yetişib. Üzümlər çoxdan yetişib.
// İşlənmək üçün hazır vəziyyətə gəlmək. Pendir yetişib, yemək olar.
7. Kifayət etmək, kafi olmaq; çatmaq. Bu ət beş nəfərin xörəyinə yetişməz. Çörək hamıya yetişər.
8. Gəlib çatmaq, yaxınlaşmaq.
9. Tay olmaq, bərabər olmaq, çatmaq (adətən inkarda işlənir).
10. Yetişir, yetişər şəklində – bəsdir, yetər, kifayətdir.
YETİŞMƏK nədir? – YETİŞMƏK nedir? – YETİŞMƏK sözünün mənası – YETİŞMƏK sozunun menasi – YETİŞMƏK nə deməkdir? – YETİŞMƏK ne demekdir? – YETİŞMƏK sözünün izahı – YETİŞMƏK sozunun izahi – YETİŞMƏK sözünün istifadəsi – YETİŞMƏK sozunun istifadesi