TÜK
1. İnsan və heyvan dərisinin üstündə çıxan sapvari buynuz törəməsi. Ağ tük. – Qurd tükünü dəyişər, xasiyyətini dəyişməz. ( Ata. sözü ).
// Saç.
2. Heyvanların müxtəlif məqsədlər üçün istifadə edilən yunu, qılı. Keçi tükündən toxunmuş örkən.
□ Tük güllə – tir tüfəngindən atılan, arxa tərəfində tük olan güllə.
3. Quşların bədənini örtən belə yumşaq və incə tellər.
// Kəsilmiş quşların, balış və s. üçün işlədilən çıxarılmış pəri; pərqu. Balış üçün tük almaq. Qu tükü.
// İçində pər olan, içinə pərqu doldurulmuş. Tük balış.
4. Bəzi meyvələrin və ya yarpaqların üzərində, yaxud da altında olan xırda tükcüklər; xov. Gicitkənin tükləri.
5. Hər hansı bir mexanizmdə, cihazda və s.-də incə sap, yay, məftil və s. Saat mexanizminin tükü. Elektrik lampasının tükü.
◊ Tük qədər – zərrə qədər, heç, qətiyyən. Tük qədər qorxmamaq.
Tük salmaq (tökmək) – bərk qorxmaq, dəhşətə gəlmək, dəhşətlənmək.
Tükdən asılı olmaq – qorxulu, ümidsiz vəziyyətdə olmaq, ölüm ayağında olmaq.
Tükləri biz-biz durmaq (olmaq) – dəhşət götürmək, bərk qorxmaq.
Tükləri qabarmaq (qalxmaq, ürpərmək) – bax tükləri biz-biz durmaq (olmaq). Pələngdən elə bir bağırtı qopdu ki, səsindən dam-daş titrədi. Gözlərim qaraldı.
Tükü tərpənməmək – halına qətiyyən təsir etməmək.
Tükü tükdən seçmək – ən incə mətləbi başa düşmək, tez başa düşmək.
Tükü yatımına sığallamaq məc. – bir işi yaxşılıqla, mübahisəsiz yola vermək.
Tükünü (tüklərini) didmək – divan tutmaq, cəza vermək, cəzalandırmaq.
TÜK nədir? – TÜK nedir? – TÜK sözünün mənası – TÜK sozunun menasi – TÜK nə deməkdir? – TÜK ne demekdir? – TÜK sözünün izahı – TÜK sozunun izahi – TÜK sözünün istifadəsi – TÜK sozunun istifadesi