is.
1. Bir şeyin içərisi, daxili, iç tərəfi. Əvvəl evin içi, sonra çölü. ( Ata. sözü ).

// Bir şeyin ortası, arası. Otların içində uzanmaq.

// Qapalı, örtülü, ya oyuq olan şeylərin boşluğu. Qutunun içi. Tabağın içi.
2. İnsan və heyvanların döş və qarın boşluğunda yerləşən üzvlər; içalat.

□ İç qovurması – cızbız. İçə qonaq eləmək.
İç yağı – bağırsaqları örtən piy təbəqəsi.
3. Məğz, ləpə, özək (qabıqlı meyvələrdə). Badam içi. İçi çürük qoz.
4. məc. Bir şeyin daxili və gizli, görünməz cəhəti; batin.

5. İçdən, içindən şəklində zərf – könüldən, ürəkdən, səmimi-qəlbdən. İçdən gələn sözlər. İçdən arzu etmək.

6. İçində şəklində zərf – 1) daxilində, içərisində. Evin içində. Quyunun içində. Hovuzun içində.

2) …ərzində, …zərfində, …müddətində, …içərisində.

[Cahanın] qoçaqlığını ondan bil ki, bu yaşında üç-dörd ayın içində savadlandı. Ə. Haqverdiyev ; Düşünürəm: – Nə qazandım; Otuz yeddi il içində? B.Vahabzadə;
3) …arasında, …içərisində, …sırasında.

4) bir şeyin çoxluğunu, artıqlığını, yaxud hansı vəziyyətdə baş verdiyini bildirir. Qızdırma içində sayıqlamaq. Tər içində olmaq.

//
…içinə şəklində – …arasına, …içərisinə.

…içindən şəklində – …ortasından, …arasından. Maşın kəndin içindən keçdi.
// İçimizdə şəklində – aramızda, sıramızda. İçimizdə pis adam yoxdur.
7. sif. İçəridəki, daxili. İç qapı. İç qabıq.
□ İç qala – böyük qalanın içindəki kiçik qala; qalaça, ərk.
◊ İç üzü – bir şəxsin hələ heç kəsə məlum olmayan siması, xüsusiyyəti, mahiyyəti və s. keyfiyyəti. İç üzünü açmaq. İç üzünü bilmək.

// Bir şeyin həqiqi mahiyyəti, batini, gözə görünməyən daxili cəhəti, halı.

İçi getmək – çox arzu etmək, son dərəcə istəmək, can atmaq, bir şeyin həsrətində olmaq.
İçi gülmək – ürəyində şad olmaq, məmnun olmaq, candan sevinmək, hiss etdirmədən sevinmək.
Ağsaqqallardan biri: – Kərbəlayı, bizim də məqsədimiz elə sənsən.

İçi içini kəsmək – bax içi içini yemək.

İçi içini yemək – arzusunu yerinə yetirə bilmədiyi üçün çox üzülmək, həyəcan və iztirab keçirmək.
İçi qan ağlamaq – halını büruzə vermədiyi halda, çox həyəcan və iztirab keçirmək.
İçi üzülmək – aclıqdan üzülmək, əldən düşmək.

İçindən qovrulmaq (qırıla-qırıla qalmaq) – acığını, hirsini və ya başqa bir hissini üzə verə bilmədiyi üçün çox əzab və iztirab keçirmək.

İçini arıtlamaq (arıtmaq) – bax boğazını arıtlamaq (“boğaz1”da).

İçini çəkmək – 1) dərindən nəfəs almaq, köks ötürmək.

2) həyəcanını, iztirabını, heyrətini dərin bir nəfəs çəkərək, büruzə vermək.

3) hıçqırıb ağlamaq.

İçini gəmirmək – bax içini yemək 1-ci mənada.

İçini yemək – 1) acıq çəkmək, dərd çəkmək; dərd, qəm, qüssə içində qovrulmaq.

2) çox qalmaqdan, ya da çox dəyməkdən içi boşalmaq (qarpız haqqında).