HESAB
1. Hər hansı hesablamanın rəqəmlərlə ifadə olunan nəticəsi; say, miqdar.
□ Hesab etmək (eləmək) – saymaq, hesablamaq. Fabrikin gəlirini hesab etmək. Gəlir və çıxarını hesab etmək.
// Hesablama, sayma, hesab etmə.
2. Riyaziyyatın, rəqəmlərin sadə xüsusiyyətlərini və onlarla həll olunan əməliyyatı öyrənən bəhsi. Hesab dərsi. Hesabdan “5” almaq.
3. Borc, verəcək.
4. müh. Maliyyə əməliyyatı və ya hər hansı idarənin, müəssisənin maliyyə əməliyyatının mühasibat uçotu üçün əsas olan sənədlər. İdarənin hesab nömrəsi.
5. Hesabla şəklində zərf – ehtimal ki, güman ki, ola bilər ki. Hesabla bu gün gəlməlidir.
6. Hesabına şəklində zərf – vəsaiti ilə, pulu ilə. Öz hesabına ezamiyyətə getmək.
◊ Hesab aparmaq – nəticə çıxarmaq, başa düşmək. Hər kəs öz hesabını aparsın.
Hesab çəkmək – 1) haqq-hesab etmək, gəliri və xərci hesablamaq; hesablaşmaq.
2) sayğacda hesablamaq, çötkəyə vurmaq.
Hesab etmək (eləmək) məc. – 1) fikirləşmək, təsəvvür etmək, təsəvvürünə gətirmək, güman etmək, zənn etmək.
2) saymaq, bilmək.
Hesab olunmaq – sayılmaq, bilinmək.
Hesaba almadan – fikir vermədən, saymadan, sayğı göstərmədən.
Hesaba almaq – nəzərdən qaçırmamaq, nəzərə almaq, hesablamaq. Kollektivin rəyini hesaba almaq lazımdır.
Hesaba almamaq – saymamaq, fikir verməmək, nəzərə almamaq, vecinə almamaq.
Hesaba vurmaq – hesablamaq, haqq-hesab etmək.
Hesabı açmaq – futbol, voleybol, güləşmə və b. idman yarışlarında birinci xalı qazanmaq. İlk dəqiqədə [hücumçu] rəqiblərin qapısından bir top keçirərək, hesabı açmağa müvəffəq olmuşdur.
Hesabı çürütmək – 1) çatası pulu tamamilə verərək və ya alaraq haqq-hesabı qurtarmaq, hesablaşmaq;
2) mübahisəli, davalı məsələni həll etmək.
Hesabı düz çıxmamaq – arzusu, istəyi həyata keçməmək, istədiyi olmamaq, təxmini düz çıxmamaq.
Hesabı itirmək – hesablayarkən, sayarkən səhv etmək; miqdarını, sayını yaddan çıxarmaq, hesabı dolaşdırmaq.
Hesabı var – çoxluq, saysızlıq bildirir.
Hesabı yoxdur – bax hesabı var.
Hesabıma (hesabına) görə – məncə (səncə), mənə (sənə) görə, mənim (sənin) fikrimcə (fikrincə).
Hesabına getmək – hesablamaq, saymaq, miqdarını müəyyənləşdirmək.
Hesabını aparmaq – başa düşmək, duymaq, nəticə çıxarmaq.
Hesabını başa düşmək – bax hesabını aparmaq.
Hesabını çəkmək – hesablamaq, hesab etmək, saymaq.
HESAB nədir? – HESAB nedir? – HESAB sözünün mənası – HESAB sozunun menasi – HESAB nə deməkdir? – HESAB ne demekdir? – HESAB sözünün izahı – HESAB sozunun izahi – HESAB sözünün istifadəsi – HESAB sozunun istifadesi