SÖHBƏT
is. Şifahi fikir, məlumat mübadiləsi; danışıq, müsahibə, ixtilat. Uzun-uzadı söhbət.
– Əsas söhbətlər axşam şərbəti içilən zaman başlanacaq idi.
Tərbiyəçinin söhbətləri də gəzmək kimi ləzzətli idi.
□ Söhbət açmaq – bir şəxs və ya şey haqqında danışmaq, fikir mübadiləsinə başlamaq.
O biri otaqda Yetər macal tapıb istədi söhbət açsın.
Söhbət aparmaq – fikir mübadiləsi etmək, müəyyən bir məsələ ətrafında müzakirə aparmaq, danışmaq, söhbət etmək.
Cavad öz döyüşçülərini ətrafına toplayaraq müxtəsər bir söhbət apardı.
Söhbət etmək – bir yerdə oturub danışmaq.
[Rüstəm bəy:] Bir neçə nəfər dost-aşna çağırmışam, indi bu saat gələrlər, oturub söhbət edərik.
İş üçün gələn kəndlilərlə həmişə Mirzə şirin dillə zarafat eyləyərək söhbət edərdi.
Qurban ilə Məsmə xala bir qədər söhbət elədilər.
Söhbətə tutmaq – danışığa tutmaq, söhbətlə başını qarışdırmaq, söhbətlə fikrini yayındırmaq.
Pəri [Bəhramın] başını qarışdırıb, söhbətə tutur.
Söhbəti ayrı yerə salmaq – söhbəti dəyişdirmək, söhbət zamanı mətləbi qoyub başqa məsələyə keçmək.
Səriyyə xala qızın utandığını görüb söhbəti ayrı yerə saldı.
SÖHBƏT nədir? – SÖHBƏT nedir? – SÖHBƏT sözünün mənası – SÖHBƏT sozunun menasi – SÖHBƏT nə deməkdir? – SÖHBƏT ne demekdir? – SÖHBƏT sözünün izahı – SÖHBƏT sozunun izahi – SÖHBƏT sözünün istifadəsi – SÖHBƏT sozunun istifadesi
