ZÖVQ
1. Hər hansı bir xoş təəssüratdan duyulan sevinc hissi, məmnunluq hissi; ləzzət, həzz, nəşə.
// Şəhvani ləzzət.
□ Zövq almaq – ləzzət almaq, həzz almaq, xoşlanmaq, nəşələnmək. Bu oxumaqdan heç bir zövq almadım.
Zövq çəkmək – bax zövq almaq.
Zövq əhli – kefcil adam haqqında.
Zövq vermək – ləzzət vermək, nəşə vermək, kef vermək. Bu musiqi bizə böyük zövq verdi.
Zövqə batmaq – bax zövq almaq.
Zövqə dalmaq – zövqə qapılmaq, zövq içində olmaq.
Zövqə gəlmək – zövqlənmək əhvalı yaxşılaşmaq, kefi durulmaq.
Zövqə yatmaq (yaratmaq) – xoşa gəlmək, bəyənilmək, estetik tələblərə cavab vermək.
Zövqünü oxşamaq – bax zövq vermək. Təbiət öz gözəlliyi və təravəti ilə insanlara təsir edir, zövqünü oxşayır.
2. Gözəllik, hüsn.
3. Gözəlliyi, incəliyi hiss etmə, duyma, seçmə, başa düşmə qabiliyyəti; estetik duyğu. Zövq ilə geyinmək. Onun incə zövqü var.
□ Zövq ilə – incəliklə, incə duyğu ilə, estetik tələblərə uyğun surətdə.
4. Meyil, həvəs, istək.
5. Əyləncə, şadlıq, kef, səfa. Zövq içində yaşamaq. O, bütün zövqümüzü pozdu.
ZÖVQ nədir? – ZÖVQ nedir? – ZÖVQ sözünün mənası – ZÖVQ sozunun menasi – ZÖVQ nə deməkdir? – ZÖVQ ne demekdir? – ZÖVQ sözünün izahı – ZÖVQ sozunun izahi – ZÖVQ sözünün istifadəsi – ZÖVQ sozunun istifadesi